“If Provoked, I’ll Shake the Nation” | GT ISL

 மேற்கு வங்கத்தில் நடைபெறும் வாக்காளர் பட்டியல் சிறப்பு தீவிர திருத்தப் பணி (SIR)க்கு எதிராக, முதல்வர் மம்தா பானர்ஜி கடும் எதிர்ப்பை தெரிவித்துள்ளார். வடக்கு 24 பர்கானாஸ் மாவட்டத்தில் நடந்த பொதுக்கூட்டத்தில் பேசிய அவர், தன்னை பா.ஜ.க. சீண்டினால் “நாட்டையே உலுக்குவேன்” என பகிரங்க எச்சரிக்கை விடுத்தார்.

அடுத்த ஆண்டு சட்டசபை தேர்தலில் பா.ஜ.க. மேற்கு வங்கத்தில் தோல்வியடையும் என்றும், SIR பணிக்கு எதிராக நாடு முழுவதும் சுற்றுப்பயணம் மேற்கொள்ள உள்ளதாகவும் தெரிவித்தார். தேர்தல் கமிஷன் பா.ஜ.க.க்கு ஆதரவாக செயல்படுகிறது என குற்றம் சாட்டிய மம்தா, உண்மையான வாக்காளர்கள் பயப்பட வேண்டாம்; தன் ஆட்சியில் வாக்காளர் பட்டியலில் இருந்து யாரையும் நீக்க அனுமதிக்க மாட்டேன் என்றார்.

சட்டவிரோத ஊடுருவலுக்கு மத்திய அரசே காரணம் எனக் கூறிய அவர், பீஹாரில் நடந்த அரசியல் விளையாட்டை மேற்கு வங்கத்தில் ஆட பா.ஜ.க. முயல வேண்டாம் என்றும் எச்சரித்தார். இதற்கிடையே, SIR பணிகள் குறித்து தேர்தல் கமிஷனை சந்திக்க திரிணமுல் காங்கிரஸ் எம்.பி.க்கள் குழு டெல்லி செல்ல உள்ளது.

மம்தாவின் பேச்சு விரக்தியால் வெளியான மிரட்டல் என பா.ஜ.க. தரப்பில் விமர்சனம் செய்யப்பட்டுள்ளது.

___________________________________________________

Please welcome Subscribe & Bell button and Sharing on link to your spreading

YouTube: @GladtTidingsDeaf    |     Facebook: @GladTidingsDeaf    |    Instagram: @gladtidingsdeaf